Overgewicht Marokkaans

الزيادة فالوزن

شنو هي السمنة؟

الزيادة فالوزن ولا السمنة (زيادة الوزن الشديد) كتوقع ملي كتكون كمية الطاقة لي كيستهلكها الشخص فوقت الماكلة ولا الشراب عالية من لي كيحرقها الجسم لمدة طويلة من الوقت. زيادة الوزن والسمنة فيها تخزين الدهون لي زايدة فالجسم ، لي يمكن يسبب فالنهاية لمشاكل صحية.

كيفاش كتكون السمنة

كاينين بزاف ديال العوامل لي يمكن تساهم فتكوين السمنة وفالصعوبة ديال فقدان الوزن. هادي هي البيئة لي كتسبب السمنة والأسباب الفردية والتأثيرات لي جينية.

ملي كتكون الماكلة لي فيها الطاقة في كل بلاصة وعلى طول النهار ، فالاغراء باش تاكلي الماكلة والشراب كبير وفبزاف ديال المرات كتكون شي حاجة مزيانة. اضافى لهادشي ، الحاجة باش تديري الرياضة كتكون أقل ، حيث وسائل النقل العامة موجودة.

الاسباب ديال السمنة

كل شخص كتكون عندو السمنة لأسباب مختالفة ، بحال كثرة الماكلة والشراب (غير الصحي)

  • الماكلة ديال بزاف ديال الحوايج.
  • الماكلة ديال بزاف ديال الوجبات لي فيها طاقة عالية.
  • الماكلة بزاف ديال الوجبات الخفيفة.
  • شرب بزاف ديال المشروبات لي فيها السكر بحال المشروبات الغازية والعصير.
  • الكثرة من شرب الشراب. المشروبات الكحولية فيها بزاف ديال السعرات الحرارية. لهذا الا كثرتي من شراب ديال الكحول يمكن يسبب فالسمنة.
  • الأكل فوقت تشتيت الانتباه (بحال تفرجي فالتلفزة فوقت الماكلة) يمكن يخليك تاكلي أكثر لي يحتاج الجسم ديالك.
  • ممارسة الرياضة ولا التدريب فمرات قليلة ، مثلا بسبب المرض ولا الإصابة ولا قلة الوقت.
  • تغييرات فنمط الحياة بسبب انكم عايشين مع بعضياتكم ، والا تزادو الدراري ، والبطالة ولا التقاعد.
  • تحبسي التدخين . وخا هكاك ، تحبسي التدخين مهم بزاف للصحة ديالك ، لهذا يُنصح تبداي تنقصي الوزن

ملي تحبسي التدخين ، الا كان ضروري. يمكن للطبيب العام يسيفطك لدورة على التوقف ديال التدخين.

  • من بعد الحمل ، يمكن يكون صعيب ترجعي الوزن لي كانعندك قبل الحمل ، خاصة الا تزاد الوزن ديالك أكثر من القياس.
  • كاينين شي أنواع خاصة من الدواء لي يمكن تسبب زيادة الوزن
  • المشاكل العقلية ، بحال التجارب لي ما متعالجاش والصدمات العقلية ، يمكن تسبب فيها الأكل. اضافة لهادشي ، كتبان بلي كاينة علاقة بين الاكتئاب اعراض السمنة.

التأثير الجيني على السمنة

كيتحدد الوزن جزئيا عن طريق الاستعداد فالعائلة. كيتزاد وزن الناس لي عندهم استعداد يتصابو بالسمنة بسهولة كبيرة الا تناولوا بزاف ديال الماكلة ودارو شويا ديال التمارين الرياضية. ويمكن يكون صعيب عليهم ينقصو الوزن.

الدور ديال النعاس والتوتر فالسمنة

يمكن يرتبط قلة النعاس بالسمنة ، من بين أمور أخرى حيت قلة النعاس ولا الا مكاينش النعاس يمكن يؤثر على الماكلة د الطاقة وبالتالي على الوزن ديال الجسم. يمكن يرتبط العيا الطويل (العيا المزمن) حتى بالسمنة عن طريق الزيادة فتخزين الدهون فالكرش وتبديل الماكلة المفضلة حيت العيا كيسبب فنشاط بدني قليل. فالمقابل ، زيادة الوزن والسمنة كتسبب حتى ضغوط جسدية ونفسية.

امتى كيكون الوزن ديالك زايد؟

المؤشر ديال كتلة الجسم هو العبار ديال الوزن بالنسبة للطول. كنحسبو الكتلة ديالو بقسمة الوزن بالكيلوجرام على مربع الارتفاع بالمتر. لنفترض أنك فيك 80 كيلو وطول ديالك 1.70 متر. اذا مؤشر كتلة الجسم ديالك هو 80 / (1.70 × 1.70) = 27.7.

كتنطبق حدود محتالفة على الوزن الزايد:

  • • الدراري لي فعمرهم من 2 ل 18 عام : كتنطبق حدود زيادة الوزن والسمنة عند الدراري مقارنة بلي بالغين. الدراري كيكبرو ، وبالتالي الطول والوزن والمؤشر ديال كتلة الجسم كيعتمد على العمر. تم تحديد ديال القيم النهائية الوطنية للدراري والبنات للفئات العمرية من 2 إلى 18 عام.
  • لي بالغين ، من 19 إلى 70 عام: الوزن الزايد كيتعرف على أنه مؤشر كتلة الجسم من 25 ل 29.9 والسمنة على أنه مؤشر كتلة الجسم 30 ولا أكثر. كانين شي استثناءات:
      • الناس لي أصلهم آسيوي (جنوب آسيا وإندونيسيا والصين واليابان) عندهم كتلة دهون عالية مع مؤشر كتلة جسم لي متشابه. هذا كينطبق حتى على الناس لي من سورينام وجزر الأنتيل من أصول آسيوية. هذا هو السبب فأن مؤشر الكتلة ديال الجسم 25 كينطبق عليهم باش يتزاد الوزن و 27.5 للسمنة.
      • مؤشر كتلة الجسم كيبان أقل موثوقية الا كنت صغير ولا طويل.
      • مؤشر كتلة الجسم مكيتعتبرش مقياس موثوق به فوقت الحمل ولا الرضاعة.
  • لي كبار فالعمر 70 عام لفوق: مؤشر كتلة الجسم أكثر من 28 يعني الزيادة فالوزن.

المحيط ديال الخصر مهم فالتحديد ديال المخاطر الصحية

السلبيات ديال مؤشر كتلة الجسم هو أنه مكايخدش فعين الاعتبار التوزيع ديال الدهون فالجسم. لهذا ، محيط الخصر كيتعتبر مقياس إضافي مهم للتقييم ديال المخاطر الصحية.

اضافة لمؤشر كتلة الجسم ، محيط الخصر كيتستعمل حتى كمقياس للتوزيع ديال الدهون. الدهون فالكرش ولي ضايرة عليها كتضر بالصحة. واش كتعاني من الزيادة فالوزن ولكن المحيط ديال الخصر عندك صحي؟ كنوصيوك بتحديد موعد مع الطبيب باش يتأكد من مخاطر الإصابة بالمرض ، غير باش نتأكدو.

محيط الخصر عند رجال محيط الخصر عند العيالات
زايد المحيط بين 94 و 102 سم المحيط بين 80 و 88 سم 80 and 88 cm
عالي المحيط فوق 102 سم المحيط فوق 88 سم

الدراري ولي بالغين لي كتزيد الاعمار ديالهم على 70 عام والأصل العرقي

عند الاطفال ، محيط الخصر كيتستعمل غير لتقييم التأثيرديال أي علاج. بالنسبة للبالغين لي عندهم 70 عام لفوق ، كاين دليل على أن النقط الفاصلة القياسية لمحيط ديال الخصر هابطة بزاف وكيخصك التفسير ديالها ب تفسيرها بشويا. مكاينش إجماع كاف على نقاط فاصلة محددة عند كبار السن. كما هو الحال مع مؤشر كتلة الجسم ، كاين دليل على انخفاض نقاط التوقف عند الناس لي من أصول جنوب آسيوية وصينية ويابانية. بالنسبة لهاد الناس ، كيعتبر محيط الخصر أكثر من 90 سم عند الرجال مرتفع بزاف ، وبالنسبة للعيالات كيزيد على 80 سم.

شنو هي المخاطر الصحية ديال زيادة الوزن؟

زيادة فالوزن كتزيد من مخاطر الإصابة بأمراض بحال:

  • مرض السكر من النوع 2
  • ارتفاع ضغط الدم وأمراض ديال القلب والأوعية الدموية
  • متلازمة الأيض.
  • أنواع مختلفة من السرطان
  • حجر المرارة
  • التهاب وتاكل ديال المفاصل
  • مشاكل فالتنفس
  • اضطرابات الدورة الشهرية
  • مشاكل الخصوبة
  • مشاكل نفسية
  • فكبر السن: يمكن يؤدي لتقليل الحركة والقيود في الخدمة اليومية.

الناس لي كيعانيو من زيادة الوزن عندهم مخاطر صحية أكثر من الأشخاص لي عندهم وزن صحي. كلما زادت الخطورة ديال السمنة، كتزاد الخطورة ديال المشاكل الصحية. الناس لي عندهم بزاف من الدهون ديال الكرش معرضين لمخاطر صحية عالية بزاف. كاينين حتى مؤشرات على أنه كلما طولات المدة ديال الوزن ديالك ، كيتزاد خطر الإصابة بأمراض القلب والأوعية الدموية ومرض السكري من النوع 2 مثلا.

العلاج ديال السمنة

الأكل الصحي والتمارين الرياضية الكافية كتلعب دور مهم فمنع زيادة الوزن ويحافظ على وزن صحي. بالنسبة للناس لي فقدوا الوزن وبغاو يحافظو على الوزن ديالهم ، كنوصيوهم ياخدو 60 دقيقة على الأقل من التمارين المعتدلة ولا القوية كل يوم. خص الشخص لي فقد الوزن ديالو يلقا توازن جديد يحافظ على ثبات الوزن ويمارس تمارين زايدة. وهادشي لحياتك كاملة.

زيادة الوزن (مؤشر كتلة الجسم 25-29.9) بلا مشاكل صحية زايدة

يمكن للناس لي بالغين لي العمر ديالهم بين 19 و 69 عام ولي كيعانيو من الزيادة فالوزن بشكل معتدل بلا مشاكل صحية زايدة (بحال ارتفاع ضغط الدم ولا ارتفاع الكوليسترول ولا (لي قبل) مرض السكر) يحاولو ينقصو الوزن بوحدهم ويحافظو على الوزن لي هابط لي حققوه. يمكن ينقصو المخاطر الصحية لزيادة فالوزن عن طريق ينقصو 5 الى 10٪ من الوزن.

الأساس ديال فقدان الوزن الصحي هو الماكلة ديال كميات قليلة بطريقة صحية مع كثرة التمارين الرياضية. الا مانجحش هادشي ، ولا فحالة الانتكاسة ، كنوصيوك تستاشري مع الطبيب العام بخصوص أفضل طريقة.

الزيادة فالوزن (مؤشر كتلة الجسم 25-29.9) مع مشاكل صحية زايدة والسمنة (مؤشر كتلة الجسم ≥30)

الناس لي بالغين لي عمرهم بين 19 و 69 عام ولي كيعانيو من زيادة الوزن مع الزيادة فمحيط الخصر ، وارتفاع الكوليسترول ، وارتفاع ضغط الدم ، ومرض السكري (من قبل) ، وأمراض القلب والأوعية الدموية ، وتوقف التنفس فوقت النعاس و هشاشة العظام ، من الاحسن ماينقصوش الوزن لراسهم. استشرو الطبيب العام ديالهم. نفس الشيئ كينطبق على الناس لي كيعانيو من السمنة (مؤشر كتلة الجسم 30) ، بغض النظر على واش كاينة مشاكل صحية زايدة ولا لا. بالاستشارة مع الطبيب العام ، كيتم فحص الأسباب المحتملة والاتفاق على الخطوات لي غتبعو.

الأدوية والعملية

كيتم ديما استعمال الدواء بالتشاور مع الطبيب لي مشارك فالعلاج ولي كيهدف لدعم العلاج. العملية هي اخر خطوة فعلاج السمنة.

قبل ما تدار العملية ، كيتدار فحص مفصل للمريض واش قاد على العملية.

زيادة الوزن عند الأطفال 2-18 عام

ملي كيعاني الطفل من زيادة الوزن ولا السمنة ، من المهم ماتبدايش تنقصي الوزن لراسك. بعد كلشي ، الدراري كيكبرو وكيتطورو ، الشيئ لي كيتطلب طاقة ومغذيات كافية. لذلك خص ديما يتعالج الأطفال لي كيعانيو من زيادة الوزن من طرف طبيب العائلة ولا مركز رعاية الطفل ولا طبيب المدرسة لي يمكن ليه يسيفط الطفل لاحسن مساعدة.

السمنة عند الناس الكبر فالسن 70 عام لفوق

يُنصح للناس لكبار فالسن لي عندهم 70 عام ولا أكثر ينقصو الوزن فقط الا كان مؤشر كتلة الجسم عندهم 30 ولا أكثر والا كان نقصان الوزن يمكن يعاون ينقص المشاكل الصحية. من بعد كلشي ، فنقصان الوزن كيمشي مع نقصان كتلة العضلات. مع نقصان الكتلة العضلية، كتفقد قوة العضلات حتى هي. هادشي يمكن يخلي الحركة صعيبة بزاف ويزيد من خطر السقوط. من المهم لي فعمرهم العمر 70 عام أو اكثر يقلبو على التوجيه الصحيح من الطبيب ديالهم العام باش ينقصو الوزن. يمكن للطبيب العام يدير تقييم الا كان كان نقصان الوزن معقول ويصيفطو لي كيقدم احسن رعاية.

QR code naar deze pagina

QR Code