Artrose Congolees

Arthrose

Afbeelding met persoon, person Automatisch gegenereerde beschrijving

Arthrose eza maladie oyo ekoki kosala ete ba articulation nayo ekoma raide to pe esala pasi. Ba genou, loketo na ba articulation ya mikie na maboko nde ezalaka affecté. Yango nde forme ya arthrose oyo ezalaka mingi.

Makambu etali Arthrose

Maladie oyo eyaka soki ba articulation nayo ebebi. Tangu ba articulation ezo meka komibongisa, changement ekoki kosalama na kati. Changement wana nde ekosala pasi.

Eza na 2 sortes ya arthroose.

  • Na arthrose primaire, maladie moko te eyebani to pota. Eyaka malembe mpe ezwaka mingi mikolo.
  • Arthrose secondaire eyaka kolandana na pota to maladie. Ezwaka mingi ba jeunes.

Arthrose esalaka ndenge moko te na batu nioso, mpe esalka ndenge moko te na ba articulation nioso. Ekoki kokoma makasi soki mikolo eleki, kasi eza rare. Ekoki kotikala bongo na sima ya ba mbula ebele to mpe pasi ekoki komata soki mikolo eleki ebele.

Causes ya arthrose

Eyebani mpenza te eloko nini esalaka ete mutu azwa arthrose. Eyaka na ba raisons ebele. Kasi eza na biloko misusu oyo ematisaka risque ya arthrose makasi. Okoki kozwa arthrose soki:

  • Oleki 45 ans – plus age ezo mata plus risque mpe ezo mata
  • Oza mwasi – ata soki ezwaka mpe mibali, eza mingi epayi ya basi
  • oza obese – kilo ya koleka etiaka pasi na ba articulations nayo, mpe ba produit chimique oyo ba graisse ebimisaka epesaka mpe arthrose
  • Oza na batu ya arthrose na famille
  • Ozalaki na pota na articulation nayo
  • oza (to ozalaki) na musala ya maboko, to olingaka mingi kosala eloko etiaka pression na ba articulation nayo lokola kobeta ballé.
  • Oza na maladie ezo tungisa ba mouvement nayo to mpe alignement ya ba articulation nayo – elakisi ozo tia pression mingi likolo na yango

Symptomes ya arthrose

Symptomes ya munene eza pasi na ba articulation. Okomona ete ozo koka lisusu ko sala ba mouvement na articulation wana te neti liboso. Tangu mususu pasi ekoki kopanzana mpe oko yoka yango na esika mususu na nzoto. Par exemple soki oza na arthrose na loketo, okoki koyoka pasi na kati kati ya makolo, ba cuisse, ba genou to chevilles.

Okoyoka pasi kaka soki olingi osalela articulation wana, mpe eko koma malamu soki opemi. Kasi soki arthrose nayo eza makasi, okoki koyoka pasi ata soki ozo salela articulation te. Articulation nayo ekosala pasi eloko ya liboso na tongo to soki owuti kopema kasi pasi esilaka mbangu.

Tangu mususu nzoto ekovimba esika ya articulation yango,mukusa to mpe pasi to makelele soki osali mouvement.

Ba symptomes oyo tangu mususu ezalaka likolo ya ba problemes misusu, kasi soki oza na yango, benga physiotherapiste nayo pona ba conseils.

Komisunga

Physiotherapiste nayo akoyebisa yo biloko ebele okoki kosala pona ko kitisa pasi na articulation. Biloko yango misusu eza na liste oyo.

  • Kosala ba exercices mikolo nioso eko bungisa ba symptomes mpe kosala ete muscle ekola makasi. Tala nasé pona section ya ba exercices ya kosala pona arthrose.
  • Soki kilo eza ya koleka to oza obese, luka nanu okitisa poids nayo na ko changer bileyi nayo mpe ba activité. Soki okitisi ata kilo mukie ekoki ko kitisa pression na ba articulation nayo. mpe kosilisa ba symptomes.
  • Soki oza na arthrose na ba genou, kolata sapatu na coussin na kati eko sunga pona ko kitisa pression.
  • Salela elamba ya moto to ya malisi pona kokitisa pasi. Kotia yango mbala moko na poso ya nzoto te po ete ekoki kobebisa poso nayo to kozikisa yo. Tia yango na serviette liboso.

 

Exercice ya arthrose

Kosala exercice mingi soki okoki eza eloko ya malamu makasi okoki kosala. Exercices ekosala ete ba articulation nayo esala malamu pe pasi ekita. Ekosunga mpe pona koyesa ba muscle makasi mpe kobongisa makasi ya nzoto mobimba mpe ekosala oyoka malamu.

Tangu mususu, physiotherapiste ako pesa yo ba exercices nini ya kosala. Tangu mususu bako pesa kaka ba conseils eloko nini okoki kosala. Esengeli osala eloko oyo ekosepelisa yo mpe oko koba kosala yango.

Sala ba types ya exercise different, na oyo mpe ezo landa.

  • Exercices ya kokoma makasi – tpona kosunga ba muscle nayo ekoma makasi pe e supporter ba articulation nayo.
  • Exercices aérobiques oyo eko matisa kobeta ya mutema nayo mpe eko kota yo pema. Eza malamu pona santé ya nzoto mobimba mpe esungaka pona kokitisa kilo to mpe kobatela kilo nayo. Okoki kosala exercices aerobique ya impact ya makasi to pona kotia pression mingi te na ba articulation nayo. Examples eza ko nager, ko kumba velo to kotambola.
  • Exercises Flexibilité/kobendana– to help maintain range of movement of your joints.

Matisa malembe malembe ba exercices ozo sala. Esengeli omona physiotherapiste oyo akoki kosunga yo pona kosala ba exercices propre na cas nayo.

Traitement ya arthrose

Ndenge moko na ba mesures ya biloko okoki kosala yo moko, eza na ba traitement ebele pona arthrose oyo physiotherapiste ako solola nayo.

Therapies ya kosunga

Physiotherapiste nayo akoki kotinda yo epayi ya ba specialiste misusu oyo bakoki kopesa yo ba conseils mususu pe kolakisa yo biloko misusu oyo ekoki kosunga. Ekoki kozala biloko oyo.

  • Physiotherapiste ako lakisa yo ba exercice ya malamu ya kosala pona kosala ba muscle ezala makasi mpe ba mouvement eza la malamu na ba articulation oyo ezo sala pasi. Bakotala mpe soki ekozala malamu kotia ba support to ba suspension.
  • Therapiste ya occupation akoki kolakisa yo ndenge moko practique ya ko sala misala ya mukolo na mukolo. Ekoki kozala kolakisa yo ba changement okoki kosala na mutuka nayo, na ndaku to na musala pona ko diminuer pression na ba articulation.
  • Mungana oyo atalaka makambu ya makolo akoki kopesa yo conseils pona sapatu nini akoki kolata soki mpe kotia ba coussins ekosunga.

Tala soki ekoki kosunga ko changer positionnement na ndaku to ko adapter biloko. Par exemple, soki oza na arthrose na genou to na luketu, okoki kotia ba rails na etages to biloko ya kosimba na salle de bain. Kotombola kiti ya toilette, kiti ya kovanda mpe na douche ekoki kozala malamu. Soki maboko nde ezo sala pasi okoki koluka ba appareils lokola tourne-taraud, biloko ya cuisine oyo eza na bisimbeli mpe ouvre-boite automatique.

Therapiste ya occupation akoki kopesa yo ba conseils mususu. Bakoki kozongisela yo ba depenses ya lisungi to adaptation oyo esengeli pona ndaku nayo. Solola na bakonzi ya ville nayo pona koyeba.

Soki oza na musala, tuna soki companie nayo eza na departement ya santé etalaka occupation. Bakosunga yo nako bongola ndenge ya kosala musala to esika nayo ya musala..

QR code naar deze pagina

QR Code