الكتف مجمدة

الكتف المتجمد هو حالة كيكون فيها الكتف كيضر وصلب. تا واحد معارفش فعلا السبب ديال علاش وقع. يمكن يساعد العلاج بما فيها المسكنات والتمارين ، باش تنقص الأعراض.

بخصوص الكتف المتجمد

الكتف ديالك هي لي كتسمى بمفصل “الكرة والمقبس”. كتحرك الكرة لي موجودة فالجزء العلوي من عظم العضد (عظم العضد) التجويف الضحل على الحافة ديال لوح الكتف. المفصل كلو داير بيه بكبسولة ليفية قاسحة . كيوقع تجمد الكتف ملي كتولي هاد الكبسولة سميكة ومتقلصة بزاف كثر من لي خصها تكون. لهاد السبب الكتف المتجمدة كتسمى حتى بالمصطلح الطبي “التهاب المحفظة لي لاصق”. يمكن ليك تحصلي على كتف متجمدة فكتف واحدة صافي ولا بجوج بيهم.

مايقارب خمسة من كل 100 شخص غيتصابو بتجمد الكتف فشي مرحلة من حياتهم. احتمالية الاصابة ديالك بتجمد الكتف كتزاد الا كان العمر ديالك بين 40 و 60 عام ، وهو منتشر أكثر بين النساء. من المرجح يتصاب الناس لي كيعانو من حالات طبية خاصة بكتف متجمدة – للمزيد من المعلومات بخصوص هادشي ، شوفي القسم ديالنا الخاص بالأسباب.

أسباب تجمد ديال الكتف

الأطباء مزال مكيعرفوش حتلا ل دبا السبب ديال تطور الكتف المتجمدة. ممكن أنه يكون بسبب التهاب مفصل الكتف والكبسولة لي محيطة به.

الكتف المتجمد الأساسي (لي السبب ديالو مجهول)

بعض المرات كيبان أنه مكاينش حتى سبب اساسي نهائيا لتجميد الكتف. كيتسمى هذا باسم الكتف المتجمد الأولي (ولا مجهول السبب)

الكتف لي مجمد الثانوي

الكتف المتجمد الثانوي كيوقع ملي كتكون بعض الأضرار لي فات فالكتف ديالك ، ولا ملي كتكون عندك حالة طبية كتخلي الكتف ديالك متجمدة أكثر احتمالية.

ممكن يوقع تجمد فالكتف فبعض المرات الا كنت كتعاني من إصابة فالكتف ، حال إصابة الكفة لي مدورة (الأوتار والعضلات فالكتف ديالك). ولا يمكن يوقع هادشي الا اضطريتي تحافظي على الكتف دياك ثابتة لمدة طويلة. مثلا يمكن يكون هادشي ضروري بعد شي هرس ولا من بعد جراحة فالكتف ديالك.

وخا أن الأطباء ممتأكدينش من السبب ، فإن بعض الحالات الطبية يمكن تزيد من خطر الاصابة ديالك بتجمد الكتف. وكتكون فيها

• مرض السكري
• الخمول ديال الغدة الدرقية
• فرط ديال نشاط الغدة الدرقية
• مرض فالقلب

أعراض الكتف المتجمدة

كاينين جوج ديال الانواع ديال الأعراض الرئيسية لتجمد ديال الكتف.

• ألم خفيف ولا مؤلم فالكتف ديالك لي مصاب ، ولي كيكون غالبا صعيب فالليل ولا ملي تحركي المفصل ديال الكتف.
• تصلب على مفصل الكتف يمكن يمنعك تحركي الكتف ديالك بشكل طبيعي. هذا يمكن يصعب ديري المهام اليومية بحال القيادة ولا تلبسي الحوايج.

الا كان عندك أي وحدة من هاد الأعراض ، فاستشري اختصاصي العلاج الطبيعي باش تحصلي على النصيحة.

عادة كيتفال بلي الكتف المتجمد كيتطور على بزاف ديال المراحل ، ولي يمكن تداخل.

• مرحلة مؤلمة ولا “متجمدة”. غتصابي بشوية د الالم كيزداد الالم ملي تحركي، وغيولي الكتف ديالك متيبس بزاف. يمكن تستمر هاد المرحلة من شهرين إلى تسع أشهر.
• مرحلة الصلابة ولا “التجمد”. يمكن ينقص الألم ، لكن تحريك ديال الكتف ديالك كيتزاد صعوبة ، لي كيؤتر على الانشطة اليومية ديالك. يمكن تستمر هاد المرحلة لمدة يمكن توصل لعام.
• الحل أو مرحلة “الذوبان”. التصلب كينقص تدريجيا وكيتعافى معظم الناس . يمكن تستمر هاد المرحلة لمدة كتوصل لثلاثة ديال السنوات.

بعض الخبراء كيضنوا أن هاد النمط مكايوصفش بشكل مزيان التجارب ديال الناس لي كيعانيو من الكتف المتجمد بشكل مزيان. الا كنت كتضني أن الكتف ديالك متجمدة ، فمن الأفضل طلبي النصيحة الطبية عوض ما تسناي التحسن ديالها بوحدها.

التشخيص ديال تجمد الكتف

الا كتضني أنك مصابة بتجمد فالكتف ، فاستشري مع الطبيب ديالك ولا اختصاص العلاج الطبيعي. غيسولو على الأعراض والتاريخ الطبي ، بما في ذلك أي حالة ولا إصابة فايتة يمكن تخليك أكثر عرضة تصابي بتجمد الكتف.

غيسولو حتى على كيفاش كتؤثر الاعراض ديالك على الحياة ديالك اليومية.

اختصاصي العلاج الطبيعي غيفحص الكتف ديالك باش يعرف الا كانت كتضر. غيدير تقييم للكتف ديالك عن طريق يديرو مجموعة من الاختبارات للجسم باش يعرفو الا كان الكتف ديالك متجمدة ولا حالة أخرى. يمكن يكون فيه تحركي الذراع ديالك بلطف بالنيابة عليك (“حركة سلبية”) ، ويطلب منك تحركي الدراع ديالك بوحدك لوضعيات مختلفة. هادشي كيسمح ليهم يعرفو الا كان نطاق حركة الكتف ديالك نقص. قولي لاخصتصاصي العلاج الطبيعي الخاص بك الا كان ماشي مريح ليك

الحركة ديال الكتف لي يمكن تأثر بالكتف المتجمدة هي ما معروفة بالسمية ديال “الدوران الخارجي السلبي”. كتبين هاد الحركة فهذا الفيديو فوقت تشخيص الكتف المتجمد.

وخا الأشعة السينية ديال مايمكنش تؤكد كتف متجمدة ، فيمكن يقترح عليك اختصاصي العلاج الطبيعي أنه يكون عندك كتف متجمد حيت يمكن يستبعد حالات أخرى. الا كنت كتبعي علاج مكايساعدكش ، فيمكن تحتاجي للمزيد من الاختبارات بحال التصوير بالرنين المغناطيسي ولا التصوير المقطعي على الكتف ديالك.

العلاج ديال تجمد الكتف

غالبا ما كيتحسن الكتف المتجمد بوحدو ، لكن كني متاكدة بأن هادشي غياخد عدة سنوات باش تشافاي منها كليا.

الهدف من أي علاج هو نقص الألم والزيادة ديال حركة الكتف. يمكن للعلاج المبكر يعطي أفضل النتائج.

المساعدة الشخصية

إالا كنت كتضني أن الكتف ديالك متجمدة ، خص تشوفي اختصاصي العلاج الطبيعي الخاص بك. ولكن كاين بزاف لي يمكن ديري باش تعاوني راسك.

• الا كنت محتاجة لمسكنات ديال الالم ، خودي المسكنات لي مكيخصهاش وصفة طبية بحال الباراسيتامول ولا الإيبوبروفين. ديما قراي معلومات المريض لي كتجي مع الدواء ديالك ، والا كان عندك أي أسئلة ، سولي الصيدلي.
• عاوني الذراع ديالك بالمخاد فوقت النعاس ولا وقت الجلوس على كرسي. يمكن للوسادة لي موجودة فالجزء الصغير من الظهر ديالك فوقت الجلوس تحسن من الوضعية ديالك، ولي يمكن تساعدك.
• مهم تستمري فاستخدام الدراع ديالك باش تساعديها تبقا متحركة كما كيخليك الألم. حاولي تحققي التوازن بين الراحة والنشاط. يمكن يؤثر على ي انشطة ديالك اليومية.
• اتبعي أي نصيحة يقدمها لك اختصاصي العلاج الطبيعي على التحريك الكتف ديالك ، بما في ذلك أي تمارين كتقدم ليك. تفرجي فهاد الفيديو فالقسم ديالنا الخاص بالتمارين باش تاخدي شي الاقتراحات.

العلاج الطبيعي

العلاج الطبيعي هو علاج مهم للكتف لي متجمدة. يمكن يسيفطك الطبيب ديالك العام لعند اختصاصي ديال العلاج الطبيعي ولا يمكن تحصلي على موعد مباشرة معه.

يمكن يكون فالعلاج الطبيعي مجموعة واسعة من العلاجات لي مختلفة. كيتوصفو النوعين لي أكثر استعمالا هنا.

• تمارين. كيبين ليك اختصاصي العلاج الطبيعي تمارين كتديريها فالدار باش تحسني من عمل والحركة ديال الكتف المتجمدة. يمكن يكون فيها بحال لي فهديك لي باينة فمقطع الفيديو الخاص بنا على تمارين الكتف المتجمدة في قسم التمارين ديالنا.
• العلاج الطبيعي اليدوي (التعبئة). كيوقع هادشي ملي هذا كيحرك اختصاصي العلاج الطبيعي مفصل الكتف بطرق خاصة باش يساعدك تنقصي أي الم ولا تصلب. يمكن يساعد حتى ترجعي الحركة الطبيعية.

منع ديال تجمد الكتف

باش نمنعو تجمد الكتف الثانوي ، مهم تحافظي على الكتق ديالك كتحرك اكثر ما يمكن. الا جرحتي الكتف ديالك ولا عندك ألم فالكتف كيحد من الحركة ديالك ، فخودي العلاج فاسرع وقت ممكن. الا تعرضتي لإصابة ولا جراحة فالكتف ديالك ، فتبعي النصيحة لي يعطيها لك الطبيب ديالك ولا العلاج الطبيعي بخصوص تلبسي حبال وتحركي الكتف ديالك مرة أخرى بكل امان.