Knie blessures Marokkaans

الاصابات ديال الركبة

Afbeelding met persoon, grond, buiten Automatisch gegenereerde beschrijving

يمكن تسبب إصابات الركبة الألم والتورم وتحسي بأن الركبة ديالك غتكرفس (عدم الاستقرار). غالبًا كتتضرر الأربطة. هادي عبارة على عصاب من الأنسجة لي كتربط عظامك ببعضياتهم. يمكن ليك حتى تعادي الأنسجة الأخرى لي على ركبتك بحال الغضاريف والأوتار.

الاعراض ديال إصابات الركبة

الا كنت مصابة بتمزق فأربطة الركبة ، فيمكن تشمل الأعراض التالية:

  • الالم
  • التورم
  • عدم الاستقرار – يمكن تحسي ان الركبة ديالك كتكرفص

يمكن ليك حتى :

  • تحسي ولا تسمعي فرقعة ولا طرطيق ملي تصابي فالرباط
  • تلقاي بلي ماتقدريش تحطي الوزن ديالك كامل على رجليك

الا تضربتي فالغضروف المفصلي فركبتك ، فيمكن:

  • يكون عند ألم صعيب ويمكن تنفخ ركبتك من بعد شي ساعات
  • عندك ركبة "مسدودة" بحيث مايمكنش ليك تحركيها بالطريقة لي مولفة
  • مزال يمكن تمشاي شويا على رجليك

الا كنت قطعتي الأوتار ، فيمكن تلاحظي بعض الألم والتورم. يمكن تلقاي حتى:

  • الرضاف ديالك متكية لفوق ولا أقل من لي خصها تكون
  • مغتكونيش قادرة تهزي ركبتك

: الا كنت مصابة بشي التهاب كيسي قبل الرضفة ، فيمكن يكون عندك:

  • انتفاخ فالمقدمة ديال الرضفة
  • ألم في الركبة ديالك كيكون صعيب ملي ثنيها
  • صعوبة فالركوع والمشي
  • الجلد كيولي احمر فوق ركبتك

الا كنت مصابة بشي مرض، فيمكن تكون ركبتك حمراء وتحس بالحرارة والألم. يمكن يكون عندك حتى ارتفاع فدرجة الحرارة. ديما شوفي مع الطبيب ديالك الا كانت عندك هاد الأعراض.

الا ضربتي ركبتك وكان الألم خفيف ولا متوسط ولا بان تدريجيا ، يمكن ليك تزوري زيارة اختصاصي العلاج الطبيعي.

الأسباب ديال إصابات الركبة

يمكن تصاب ركبتك الا:

  • تضربي ركبتك حتى تدوز نطاق الحركة ديالها لي مولفة -، يمكن يوقع هادشي فوقت السقوط ولا الا نزلتي بشكل محرج
  • تمارس رياضة بحال كرة القدم لي كتجمع بين الجري والقفز والتوقف مع التبديلات لي سريعة فالاتجاه
  • تلوي ركبتك ، خاصة فبالألعاب الرياضية ، بحال كرة القدم ولا كرة السلة
  • تضرب ركبتيك بلوحة القيادة فشي حادثة ديال سيارة ، لي يمكن يسبب فتلف الرباط الصليبي لي فاللور

احتمالية تصابي فأربطة الركبة كتزاد الا:

  • عندك هشاشة العظام فالركبة ، حيث يمكن هادشي يضعف العضلات لي على مفصل الركبة ، لي كيزيد من خطر الاصابة ديالك
  • مكاتخديش الاحتياطات ملي كتديري الرياضة بحال مكتسخنيش قبل ماتديري أي نشاط ولا ترتاحي من بعد

المساعدة الشخصية ديال إصابات الركبة

فحالة تصابت عضلة الركبة ولا الرباط ولا الوتر ولا الأنسجة الرخوة لي دايرة بيها ، فعفاك اتبعي هاد النصائح:

  • الحماية. احمي الاصابة ديالك من كثرة الضرر. غتحتاجي للراحة بمجرد تصابي ولكن ماشي لمدة طويلة. حطي فبالك تستعملي شي حاجة تعونك ولا الجبيرة على حسب الإصابة.
  • التحميل المزيان. كني نشيط فاقرب وقت. بداي فزيادة الوزن على الاصابة ديالك وبني الحركة ديالك. ديري هادشي بشكل تدريجي وشوفي شنو لي مناسب لك احسن.
  • الثلج. حطي كمادة باردة بحال كيس ديال الثلج ولا ديال جلبانة جامدة ملفوفة ففوطة على البلاصة لي كتضرك. ديري هادشي لمدة 20 دقيقة كل ساعتين ليومين اللولين إلى ثلاثة أيام.
  • الضغط. اضغط على البلاصة لي مصابة باستعمال ضمادة تساعدك تنقصي النفيخ.
  • الارتفاع. هزي الاصابة ديالك لفوق مستوى قلبك. حطي إصابات الذراع فحبال وريحي الرجل فوقت الجلوس ولا تكاي على كرسي ومخدة.

في الأيام القليلة الأولى من بعد الإصابة ، امنع كثرة الضرر عن طريق تجنبي:

  • الحرارة. ماتدوشيش ولا تستحمي ولا الساونا بالماء السخون وتجنبي تستعملي الكمادات ولا التدليك بالحرارة من بعد الإصابة.
  • الكحول. تجنبي الشراب حيت يمكن تعطل الشفاء ديالك وتزيد من فرص تأذي راسك مرة أخرى.
  • الجري. ما تجريش ولا تمارسي أنواع أخرى من الأنشطة المعتدلة حيت هادشي يمكن يتسبب فبزاف ديال الضرر.
  • المساج. يمكن يسبب المساج ديال البلاصة لي مصابة كثرة النفيخ والضربات ، لهذا تفاداي هادشي من النهار الأول الأول ولا اليومين.

QR code naar deze pagina

QR Code