Lage rugpijn Marokkaans

الآلام ديال أسفل الظهر

Afbeelding met persoon, zitten, binnen, plaats Automatisch gegenereerde beschrijving

الالام ديال أسفل الظهر منتشرة بزاف . جوج من كل ثلاثة منا كيعانيو تقريبا من الالام ديال أسفل الظهر فشي مرحلة من حياتنا. غالبا السبب مكايكونش خطير ، والألم فمعظم الاوقات كيتحسن فظرف أربعة إلى ستة ديال الاسابيع. لكن بالنسبة لبعض الناس ، يمكن للالم يستمر لشهور ولا حتى سنوات.

يمكن ليك فبزاف من المرات تسيري آلام أسفل الظهر لراسك. ولكن مع شي أعراض، يمكن تحتاجي لزيارة اختصاصي ديال العلاج الطبيعي

بخصوص الظهر ديالك

الظهر ديالك فيه بزاف ديال الأجزاء لي متصلة ، بما في ذلك العظام والمفاصل والعضلات والأربطة والأعصاب والأوتار. عمودك الفقري كيدعم الظهر ديالك. وهي مكونة من 24 عظمة منفصلة كتسمى فقرات مجمعة فوق بعضياتهم. تحت الفقرات ، فالتحت ديال العمود الفقري ، كاينين عظام العجز والعصعص. الأقراص بين الفقرات كتخدم باش تمتص الصدمات وتسمح للعمود الفقري يتحنى. الحبل الشوكي كيدوز على الفقرات ، كيعطي إشارات عصبية بين الدماغ وباقي الجسم ديالك. الحبل الشوكي كيمتد حتى لتحت ديال الظهر ديالك ، ثم يستمر بحال حزمة ديال الأعصاب. هذا كيسمى "ذيل الفرس" ، اللاتينية "ذيل الحصان" ، والتي يعتقد أنهم كيتشابهو. غالبا كيكون صعيب على الأطباء يحددو سبب آلام الظهر بالضبط. حيت كاين بزاف من الأجزاء المختلفة فالظهر ديالك والأنسجة لي دايرة به.

الاعراض ديال الام تحت الظهر

يمكن تختلف الاديال عراض آلام تحت الظهر من شخص لاخر. يمكن يوقع فجأة ، ربما من بعد ماتهزي شي حاجة ثقيلة ولا تحركتي بطريقة كتاذي الظهر ديالك . ولا يمكن يوقع تدريجيا مع الوقت بلا شي سبب واضح. يمكن يكون الألم خفيفً ولا صعيب. بعض الناس كايعانيو حتى من ألم فالأرداف ولا فلتحت ديال وحدة من الرجلين ، وبعض المرات كيوصل لتحت الرجل ولا الاصابع ديال الرجل. وهذا لي كيتسمة بعرق النسا.

معظم الأشخاص لي كيعانيو من أعراض آلام الظهر كيعانيو من لي كيتسمى بآلام الظهر لي ماشي نوعية. هذا كيعني أنه مكاينش سبب واضح ولا محدد (بحال حالة طبية كامنة). هذا يعني أنه فاغلب الاوقات مايمكنش تعاون الاختبارات فعلا حيت مغايبانش عليها حتى ضرر محدد للعمود الفقري ولا العضلات لي دايرة بها. يمكن هادشي يكون كيقلق ، ولكن كيعني أنه مكاينش سبب خطير للألم.

امتى تحصلي على المساعدة والنصيحة الطبية

تسعة من كل 10 ديال الناس كيلقاو بلي آلام أسفل الظهر كتحسن فغضون أربعة إلى ستة ديال الاسابيع. يمكن تلقاي بلي راكي فتحسن قبل من هاد المدة ، فظرف أسابيع قليلة. لكن اتصلي الطبيب ديالك الا كان الألم صعيب ولا كيتزداد للاسوء مع الوقت ولا الا متحسنش من بعد أربعة إلى ستة ديال الاسابيع. اتصلي حتى بالطبيب ديالك بالزربة حتى الا حسيتي بالم ولا كنت كتعاني من ارتفاع فدرجة الحرارة. والا كنت مصابة بالسرطان ولا هشاشة العظام ، فيمكن يبغي الطبيب ديالك العام يعرف بلي مكاينش سبب لي اكثر خطورة.

اطلبي العناية الطبية فالبلاصة الا كنت:

  • كتنمل ولا قريص عند المؤخرة ولا الأعضاء التناسلية
  • مكتقدريش التحكمي فوقت التبول ولا متقدري كاع تمشي
  • كتفقد السيطرة على الامعاء ديالك
  • كتكون مامستقراش فالمشي ، ولا بضعف رجليك ولا كتطيح وكتسحب.

يمكن تكون هاد العلامات على أن الأعصاب فتحت العمود الفقري كتسحق. وهذا لي كيتسمى متلازمة ذيل الفرس وكيحتاج لعلاج عاجل

الأسباب ديال آلام تحت الظهر

آلام الظهر لي ماشي نوعية

هذا هو أكثر أنواع آلام الظهر لي منتشرة. من غير المحتمل يكون الطبيب ديالك قادر يقولك بالضبط شنو لي كيسبب الألم ، ولكن هذا ماشي كيرجع لشي مشكلة خطيرة. غالبا كيوقع هادشي بسبب إجهاد بسيط فالعضلات ولا الأوتار ولا الأربطة على الظهر ديالك ، ولكن تا واحد مامتيقن.

يمكن يكون ظهور حدث ولا حركة هو السبب ديال ألم الظهر ديالك . ربما كنت كتجهدي ولا شي تلف أولا كتهزي شي حاجة ثقيلة. ولا يمكن يكون وقع بشكل تدريجي. بعض الناس كيرتبط هادشي بالمهام المتكررة في الخدمة ولا الجلوس فوضعية واحدة لمدة طويلة. الا كنت كتعاني من زيادة الوزن غتكوني حتى أكثر عرضة تصابي بألم تحت الظهر. يمكن توقع آلام الظهر بسبب "البلى" الطبيعي على عظام العمود الفقري مع التقدم ديالك فالعمر. يمكن تؤدي الوضعية السيئة للضغط على العضلات المحيطة بالعمود الفقري ديالك. يمكن يسبب ألم الظهر مجموعة من العوامل ، بما في ذلك العوامل العاطفية.

آلام الظهر لي محددة

بعض المرات كيوقع ألم الظهر بسبب تلف أجزاء من العمود الفقري، بحال:

  • الانزلاق الغضروفي (الانزلاق الديسك) - كينتفخ القرص وكيضغط على أعصاب العمود الفقري
  • كسر - قطع ولا كسر فواحد من العظام ديال الظهر ديالك ، ربما بسبب هشاشة العظام
  • آلام تحت الظهر الالتهابية، ولي سببها بحال التهاب الفقار لي لاصق، ملي كيتسبب جهازك المناعي فوقوع التهاب فالمفاصل والأربطة الشوكية

 

يمكن يوقع ألم الظهر حتى بسبب حالة خطيرة بحال العدوى ولا السرطان ، ولكن هذا ماشي منتشر بزاف

تشخيص آلام أسفل الظهر

عادة كيكون اختصاصي العلاج الطبيعي ولا الطبيب ديالك العام قادرين على تشخيص آلام تحت الظهر من الاعراض لي وعن طريق الفحص. اختصاصي العلاج الطبيعي هو اختصاصي الرعاية الصحية متخصص فيحافظ على الحركة والتنقل ويقادهم. يمكن تبغي تمشي مباشرة تشوفي اختصاصي علاج طبيعي.

الوقاية من آلام تحت الظهر

الا كنت كتعرفي كيفاش تعتني بالظهر ديالك، يمكن ليك تنقصي من خطر الاصابة ديالك بألم الظهر بشكل كبير. يمكن يساعدك تديري هادشي.

  • ديري تمارين بانتظام - المشي ولا السباحة ولا استعملي دراجة ديال التمارين كلها امور يمكن ليك تديريها وخا حسيتي بألم فالظهر ديالك. خذ وقت باش تبني اللياقة البدنية ديالك الا كنت كتحاولي تديري أنشطة جديدة.
  • استعملي رجليك باش تهزي الاشياء عن طريق ثني الركابي ديالك والورك وماشي الظهر ديالك.
  • حافظ على وضعية مزيانة الا كنت كتخدمي على مكتب ، تأكدي تقادي الكرسي ديالك والمكتب ديالك وشاشة الحاسوب بشكل صحيح. غيساعدك هادشي الا صاحب العمل دار تقييم على الخدمة ديالك.
  • تحركي بانتظام – ماتجلسيس نفس الوضع لمدة طويلة.

الاختيارات ديال علاج آلام تحت الظهر

من المحتمل يشجعك اختصاصي العلاج الطبيعي تجربي تدابير المساعدة الشخصية. يمكن ليهم حتى يقدمو ليك نصيحة بخصوص التمارين لي يمكن تديريها باش تساعدي الظهر ديالك.

العلاجات الفيزيائية

يمكن يوصي الطبيب ديالك بالعلاج الطبيعي لآلام تحت الظهر. يمكن تكون:

  • تمارين فيها النشاط البدني والحركة وتقوية ديال العضلات والتحكم فالوضعية والتمدد
  • العلاج الطبيعي ديال اليد ، بحال التدليك ولا التلاعب بالعمود الفقري

QR code naar deze pagina

QR Code