033 - 2003259
كيسبب مرض السكري من النوع الأول فارتفاع مستوى الجلوكوز (السكر) فالدم بشكل كبير.
هادشي كيوقع ملي الجسم ديالك مكيقدرش ينتج ما يكفي من الهرمون كيتسمى الأنسولين، ولي كيتحكم فنسبة الجلوكوز فالدم. أنت غتحتاجي للابر ديال الانسولين يوميا باش تحافظي على مستويات الجلوكوز فالدم عندك تحت السيطرة. مرض السكري من النوع 1 يمكن ياخد الوقت باش تولفي عليه، ولكن يمكن باقي ديري جميع الحوايج لي كتستمتعي بيها.هاد الكتاب غايساعدك. مرض السكري ن النوع الأول ماعندوش علاقة بالعمر ولا زيادة الوزن- هاد الحوايج مرتبطة بمرض السكري من النوع 2.
● كتحسي بالعطش بزاف
● التبول بزاف كثر من القياس خاصة فالليل
● كتحسي بالعياء بزاف
● كينقص الوزن بلا ماتحاولي
● القلاع لي كيستمر فالرجوع
● الشوف كينقص
● الجروح لي مكاتعافاش
● الرائحة ديال الفم الخايبة
يمكن تبان الاعراض ديال مرض السكري من النوع الأول بالزربة ، خاصة عند الأطفال.
الطبيب ديالك غيدير اختبار للبول وغيفحص مستوى الجلوكوز (السكر) فالدم. الا كيضنو أنك مصابة بمرض السكري ، فغادي ينصحونك تمشي للمستشفى فالبلاصة باش ديري تقييم. الا لقاو عندك بلي راكي مصابة بمرض السكري من النوع 1 ، فغتشرح ليك ممرضة السكري الحوايج لي غتحتاجي ديري باش تسيطري عليه ، بحال تعبري مستوى الجلوكوز فالدم زكفاش ديري الابر ديال الأنسولين.