Diabetes mellitus type 2 Marokkaans

مرض السكري - النوع 2

شنو هو مرض السكري

  • مرض السكري من النوع 2 هو حالة منتشرة كتؤدي لارتفاع كبير فمستوى السكر (الجلوكوز) فالدم.
  • يمكن يسبب أعراض بحال العطش الكثير والحاجة للتبول بزاف والعيا. يمكن حتى أنه يزيد من خطر الاصابة ديالك بمشاكل خطيرة فعينيك والقلب ديالك والأعصاب.
  • أنه حالة كيستمر مدى الحياة ويمكن يؤثر على حياتك اليومية. يمكن تحتاج تبدل نظامك الغذائي وتشربي الأدوية وتديري فحوصات منتظمة.
  • السبب ديالو مشاكل فمادة كيميائية فالجسم (هرمون) كيتسمى الأنسولين. غالبًا كيرتبط بزيادة الوزن ولا الخمول ولا وجود تاريخ عائلي من مرض السكري من النوع 2.

الأعراض

بزاف ديال الناس كيعانيو من مرض السكري من النوع 2 بدون مايعرفو. هادشي حيت الأعراض مكتخليكش تحس بلي راك مريض.

أعراض مرض السكري من النوع 2 فيها:

● التبول أكثر من العادة وخاصة فالليل

● الاحساس بالعطش كل الوقت

● الاحساس بالعيا الشديد

● فقدان الوزن دون المحاولة

● الحكة حول القضيب ديالك ولا المهبل ، ولا الإصابة بفطريات متكررة

● التقطاع ولا الجروح لكالخد بزاف ديال الوقت باش تعافى

● الشوف مواضحش

أنت أكثر عرضة تصابي بمرض السكري من النوع 2 الا كنت:

  • أكبر من 40 عام (ولا 25 للشعب ديال جنوب آسيا)
  • عندك ي واحد من العائلة مصاب بداء السكري (بحال الوالدين ولا الأخ ولا الأخت)
  • كتعاني من زيادة الوزن ولا السمنة
  • من أصل آسيوي ولا أفريقي كاريبي ولا أسود أفريقي (حتى لو تزاديتي فالمملكة المتحدة)

السبب

مرض السكري من النوع 2 عندو بزاف ديال الأسباب بحال:

● التدخين

● عدم ممارسة الرياضة بشكل كافي

● زيادة الوزن

● العمر

● الماكلة غير صحية

شنو يمكن ليك تديري

غيساعدك اتباع نظام غذائي صحي وتحافظي على النشاط على التحكم فمستوى السكر في الدم.

غيساعدك حتى على التحكم فالوزن ديالك وتحسي بالتحسن بشكل عام.

يمكنك تناول أنواع عديدة من الأطعمة

مكايناش شي حاجة مايمكنش ليك تاكليها الا كنت مصابة بمرض السكري من النوع 2 ، ولكن خصك تنقصي من بعض الماكلة. خصك:

● تاكلي بزاف ديال الماكلة - بما فيها الفواكه والخضروات وبعض الأطعمة النشوية بحال المعكرونة

● تنقصي من السكر والدهون والملح لأقصى درجة

● تاكلي الفطور والغداء والعشاء كل يوم – ماتفوتي حتى وجبة

إذا كنت خصك تبدلي نظامك الغذائي ، فيمكن يكون ساهل تديري تغييرات صغيرة كل أسبوع.

الحركة كتنقص مستوى السكر فالدم

التمارين البدنية كتساعد باش ينقص مستوى السكر فالدم. خص يكون عندك الهدف ل 2.5 ساعة من الحركة فالأسبوع. يمكن ليك تحركي في أي بلاصة طالما أن لي كتديري كيخليك تنفسي . هادشي يمكن يكون:

● المشي السريع

● صعود السلالم

● تديري المزيد من الأعمال المنزلية الشاقة ولا تقادي الجردة

الوزن ديالك مهم :

فقدان الوزن (الا كنت كتعاني من زيادة الوزن) كيسهل على الجسم ديالك ينقص مستوى السكر فالدم ، ويمكن أنه يحسن ضغط الدم والكوليسترول. الا كنت بحاجة لنقاص الوزن ، فمن الأحسن لبزاف ديال الناس يديرو هادشي بشويا مع مرور الوقت. حاولي تاكلي حوالي 0.5 إلى 1 كجم فالأسبوع.

كاينة أدلة على أن اتباع نظام غذائي ناقص السعرات الحرارية (800 إلى 1200 سعرة حرارية فاليوم) على أساس قصير المدى (حوالي 12 أسبوع) يمكن يساعد فعلاج أعراض مرض السكري من النوع 2. النظام الغذائي منخفض السعرات الحرارية ماشي آمن ولا مناسب لكل شخص مصاب بمرض السكري من النوع 2 ، بحال الأشخاص لي كيحتاجو يديرو الأنسولين. لهذا من المهم تستاشري الطبيب قبل ما تبعي هاد النوع من النظام الغذائي!

الدواء

بزاف ديال الناس كيحتاجو للدواء باش يسيطرو على مرض السكري من النوع 2. الدواء كيساعد فالحفاظ على مستوى السكر فالدم بشكل طبيعي قدر الإمكان للوقاية من المشاكل الصحية. يمكن تضطري تشربيه حياتك كاملة. عادة كيزيد مرض السكري سوءًا بمرور الوقت ، لهذا يمكن تحتاجي تبدلي الدواء ولا الجرعة. عادةً كيكون تعديل نظامك الغذائي وممارسة الحركة أمر ضروري باش تحافظي على انخفاض مستوى السكر فالدم. عادةً كيعطيوك دواء كيتسمى الميتفورمين أولاً. الا مانقصاتش مستويات السكر فالدم من بعد ما تشربي الميتفورمين ، فيمكن تحتاجي لدواء آخر. مع مرور الوقت ، يمكن تحتاجي لمجموعة من الأدوية. الطبيب ديالك العام ولا ممرضة مرض السكري غينصحوك بالأدوية لي مناسبك أكثر. الأنسولين غالبا مكيتستعملش لمرض السكري من النوع 2 في السنوات الأولى. عادة كتكون مطلوبة ملي الادوية الاخرى مكتنفعش.

أخذ الدواء الخاص بك

الطبيب ديالك العام ولا ممرضة مرض السكري غيشرحو ليك كيفاش تاخدي الدواء ديالك وكيفاش تخزنيه. الا كنت بحاجة لحقن الأنسولين ، فغادي يوضحو ليك كيفاش ديريهم.

الأثار الجانبية

يمكن يسبب دواء السكري الخاص بك آثار جانبية. يمكن يشمل:

● الانتفاخ والإسهال

● فقدان الوزن ولا زيادة الوزن

● الشعور بالمرض

● انتفاخ فجزء ولا أكثر من أجزاء الجسم بسبب تراكم السوائل تحت الجلد

ماشي كل شخص عندو آثار جانبية. الا حسيتي بمرض من ما شربتي الدواء ولا لاحظتي أي آثار جانبية ، فتكلمي لطبيب ديالك ولا ممرضة مرض السكري. ماتحبسيش الدواء دون الحصول على الاستشارة.

امتا تمشي عند الطبيب

● عندك أي أعراض مرض السكري من النوع 2

● مقلقة من احتمال تعرضي لخطر أكبر تصابي بمرض السكري من النوع 2

يمكن للطبيب العام يشخص مرض السكري. غتحتاجي لفحص دم ، ولي يمكن تضطري تمشي تديريه فالمستشفى المحلي الخاص بك الا ماشي ممكن تديريه فالعيادة ديال الطبيب ديالك العام.

QR Code naar deze pagina:

QR Code