Fièvre epayi ya bana

Fièvre eza nini

Température ya komata ezalaka mingi epayi ya bana. Temperature ezongaka normale na 3 to 4 jours.

Température ya komata eza nini?

Temperature normale epayi ya ba bébé pe na bana eza environ 36,4 °C, kasi ekoki ko changer na muana to pe na mususu. Temperature ya komata eza 38 °c to koleka. Température ya komata eza eyano ya nzoto tango ezo bundisa ba infections lokola kosukosu to miyoyo. Makambu ebele ekoki ko sala ete température emata epayi ya bana, ba maladie ya bana lokola varicelle na amygdalite, na tangu ya vaccination.

kotala température ya komata

Muana na yo akoki:

• Okoyoka ye moto koleka mikolo nioso soki osimbi ye na mokongo to na tolo
• Akobanda kotoka
• Akoyoka malamu te

Salela thermomètre numérique ,oyo okoki ko somba na ba pharmacie to na supermarché, pona kozua température ya muana na yo.

Cause

Ba fièvre mingi eza causer na ba infections to ba maladie misusu. Température ya nzoto ya komata esalaka ete ba microbe na ba virus oyo ezo sala ba infections ebika te.

Biloko oyo oesalaka fièvre eza:

• Infection ya nzela ya kopema (ITR)
• Grippe
• infection ya litoyi
• roséola – virus moko e provoquaka tempeture pe mukusa na poso
• amygdalite
• infection ya ba rein to nzela ya masuba (IVU)
• maladie ya bana, neti varicelle pe coqueluche

Nini okoki kosala:

• Pesa muana ba mayi ebele
• sala keba na ba bilembo ya déshydratation
• pesa muana bilia soki alingi
• kengela muana na butu
• bomba muana na ndako
• pesa muana paracétamol soki aza na pasi to malamu te
• senga conseil epayi ya docteur soki ozo mitungisa pona muana na yo

Tangu nini oko benga docteur?

Benga mbala moko docteur, soki muana na yo:

• aza na moins de 3 mois pe aza na température ya 38°C to koleka, to okanisi ke aza na température ya komata
• aza na 3 ti na 6 mois pe aza na température ya 39°C to koleka, to okanisi ke aza na température ya komata
• aza na ba signe mususu ya maladie, neti ba bouton, to na température ya komata
• aza na température ya komata oyo ewumeli 5 jours to koleka
• alingi kolia te, aza te lokola azalaka pe ozo mitungisa
• aza na température ya komata oyo ezo kita te ata na paracétamol
• aza déshydraté – lokola ba couche oyo eza na masuba mingi té, misu yako kota , pe azangi mayi ya misu tango azo lela.

Ba kisi

Okoki kopesa muana na yo kisi te. Fièvre esilaka yango moko. Ba kisi ekoki kosala nécessaire soki muana na yo azo yoka pasi to azo mela na pasi. Bébé na yo aza na fièvre pe aza na moins ya 3 mois? kende komana docteur. Kobanda 3 mois, bana bakoki komela paracétamol.

• • Quantité ya paracétamol ezo dependre na âge pe na poids ya muana.
  • Ndenge mibale (2) ya ko pesa paracétamol na muana na yo : na anus (lidusu ya lisoko) to na munoko.
  • Okoki ko somba paracétamol epayi ya Etos, Kruidvat, Albert Heijn to na pharmacie. Na schéma oyo nase, okoki komana paractamol nini oko somba pona muana na yo. Lakisa photo na magasin pona basunga yo.

Âge ya muana na yo:	Poids ya muana na yo:	Paracétamol nini:	Combien de paracétamol:	Combien de comprimé na mokolo (24 heure)	Tango nini komela comprimé oyo elandi:
3 mois to koleka	3.0 - 5.5 kilogrammes	60 mg, na anus	1 comprimé ya 60 mg	2-3	Sima 8-12 heures
3 - 12 mois	5.5 - 10 kilogrammes	120 mg, na anus	1 comprimé ya 120 mg	2-3	Sima 8-12 heures
1-2 ans	10 - 12.5 kilogrammes	240 mg, na anus	1 comprimé ya 240 mg	2-3	sima 8-12 heures
2-4 ans	12.5 - 17 kilogrammes	240 mg, comprimé ya ko macher na munoko	2 comprimés ya 120 mg	3	sima 8 heures
4 - 6 ans	17 – 22 kilogrammes	240 mg, comprimé ya ko macher na munoko	2 comprimés ya 120 mg	4	sima 6 heures
6 - 9 ans	22 - 30 kilogrammes	250 mg, comprimé ya kofiba na lolemo	1 comprimé ya 250 mg	6	sima 4 heures
9 - 12 ans	30 – 40 kilogrammes	250 mg, comprimé ya kofiba na lolemo	2 comprimés 250 mg	3-4	sima 6 heures
12 - 15 ans	40 – 55 kilogrammes	250 mg, comprimé ya kofiba na lolemo	2 comprimés ya 250 mg	4-6	sima 4 heures