نقص الوزن وسوء التغذية

امتى كيكون الوزن ديالك

نقص الوزن هو ملي كيكون الوزن ديال شي شخص أقل من لي هو مزيان للصحة ديالو. نقص الوزن هو مؤشر خطير ديال سوء التغذية. يمكن التشخيص ديال نقص الوزن بسهولة من خلال المؤشر ديال كتلة الجسم (BMI) والعبار ديال محيط الخصر. كيعاني الشخص من نقص الوزن الا كان مؤشر كتلة الجسم عندو أقل من 18.5.

الحدود اخرى

كتستعمل حدود مختلفة للناس لي كيزيد العمر ديالهم على 65 عام ولي مريض بمرض الانسداد الرئوي لي صعيب ، بمعنى يكون مؤشر كتلة الجسم أقل من 20 للناس لي كتزيد الاعمار ديالهم على 65 عام وأقل من 21 للناس لي مصابين بمرض الانسداد الرئوي المزمن. باش نحددو سوء التغذية ، كنستعملو حد مؤشر كتلة الجسم لي اقل من 20 للناس لي بالغين حتى لسن 70 عام والحد الأقصى لمؤشر كتلة الجسم لي كيقل على 22 لي عندهم سن سبعين عام لفوق ، اضافة لنقص المغذيات و المرض. كتطبق قيم حد مختلفة حتى على الأطفال. الأطفال كيكبرو وبالتالي كيعتمد الطول والوزن ومؤشر الكتلة ديال الجسم على العمر.

شحال ديال الناس لي كيعانيو من نقص الوزن؟

الدراسة ديال CBS الصحي لسنة 2019 بين أن 2.5٪ من السكان ديال هولندا لي الاعمار ديالهم بين 4 سنوات لفوق كيعانيو من نقص الوزن. CBS كيستعمل حد مؤشر كتلة الجسم 18.5 لكاع الناس لي بالغين.

الاسباب ديال نقص الوزن

نقص الوزن كيوقع ملي كتكون كمية الطاقة لي كيحصل عليها الشخص من خلال الماكلة والشراب أقل من لي كيستعملو الجسم (الحروق) لمدة طويلة من الوقت. نقص الوزن كيتعتبر منتشر نسبيا بين بين الناس لي كبار فالسن فمؤسسات الرعاية والمستشفيات وبين الناس لي مراضين. يمكن يكون السبب ديال نقص الوزن ، أمور أخرى:

• قلة الشهية ، مثلا بسبب فقدان حاسة المذاق والشم ولا المرض ولا قلة الرياضة
• مشاكل المضغ والسريط
• ضعف الأمعاء. الأمعاء كتولي من بعد قدرة على انها تمتص العناصر الغذائية ، مثلا بسبب عدوى معدية ولا مرض معدي
• الآثار الجانبية ديال الدواء
• الخوف ، الوحدة ، الحزن ، الاكتئاب.
• اضطراب ديال الماكلة
• زيادة فاستهلاك الطاقة، مثلا فحالة تعاديتي ولا مرضتي بالسرطان

العواقب ديال نقص الوزن

نقص الوزن كيسبب فمخاطر صحية حيت كاينين مخاطر عالية ديال نقص لنقص العناصر الغذائية بحال البروتينات والأحماض الدهنية الأساسية والفيتامينات والمعادن. جهاز المناعة كيتضرر ويمكن يحس الشخص بالخمول والعيا. الجسم كيستعمل احتياطيات من الدهون والأنسجة العضلية. هادشي كيؤدي لتكسير الأنسجة الدهنية والعضلية. كيتعتبر الانهيار ديال الأنسجة العضلية ضار بشكل خاص. الا استمرت الحالة ديال نقص الوزن لمدة طويلة ، كيتزاد خطر تصابي بالهرس ديال العظام حتى هما.

نصائح غذائية لنقص الوزن

لي كيعاني من نقص فالوزن ، من الاحسن التوقف على تنقصي الوزن وتحاولي تكسبي شي وزن. الا كنت فقدتي بزاف من الوزن فمدة قصيرة بلا سبب واضح ، فمن الأفضل تشوفي الطبيب ديالك. حتى الا كنتي كتشكي بلي كاين اضطراب فالماكلة، فديما استشري مع الطبيب ديالك.

الا كنت مقادراش توصلي لوزن صحي فظرف شي أشهر ، فمن الأفضل تشوفي الطبيب ديالك. الطبيب غيشوف السبب ديال نقص الوزن ويمكن أن يسيفطك عند اختصاصي ديال التغدية الا كان ضروري.

واش كتعاني من نقص فالوزن؟ اذا التأمين الصحي الخاص بك غيعوضك على شحال من ساعة مع اختصاصي التغذية.

الماكلة الصحية

بالنسبة للناس لي كيعانيو من نقص الوزن، الماكلة الصحية كتعتبر شي حاجة ضرورية. بهاد الطريقة كياخدو كاع العناصر الغذائية لي كيحتاجها الجسم بحال

البروتينات والأحماض الدهنية الأساسية والفيتامينات والمعادن. التركيز كيكون على الماكلة لي فيها كمية كافية ديال البروتين والطاقة ، بجانب ممارسة الرياضة باش تبني العضلات.

اكتساب الوزن بطريقة لي هي صحية

بالنسبة للناس لي كيعانيو من نقص الوزن ، خص يزيدو الوزن.

سوء التغذية

سوء التغذية كتوقع ملي كيكون الشخص كياخد الطاقة ولا العناصر الغذائية أقل من لي هو مطلوب باش يبقى بصحة مزيانة لمدة طويلة.

سوء التغذية يمكن توقع ملي الشخص مكايكلش لي يكفي ولا كيستهلك طاقة وماكلة زايدة.. المشكلة كتكون حادة بشكل خاص عند المرضى وكبار السن. يمكن حتى لسوء التغذية يسبب فمشاكل فالمضغ ولا السريط.

ملي كنكتشفو سوء التغذية ، كيخص نعيطو للطبيب العام. أفراد العائلة ولا لي كيقدمو الرعاية بشكل عام كيشوفو المشكلة الصحية قبل مايشوفها المريض.

الأعراض ديال سوء التغدية

سوء التغذية هو نقص الطاقة ولا الماكلة. هادشي كيسبب من بعد فنقص الوزن والجسم مكيخدمش مزيان. وهادشي سبب بالاساس نقص ديال كتلة العضلات ونقص البروتينات والأحماض الدهنية لي أساسية والفيتامينات والمعادن.

أكبر الناس لي معرضة لخطر سوء التغذية هما لي كبار فالسن والضعفاء ولي مصابين بأمراض مزمنة ولي مصابين بالسرطان والناس لي كيديرو عمليات جراحية كبيرة والناس لي كيعانيو من الصدمات الصعيبة.

: أسباب سوء التغدية

• قلة الماكلة بسبب مكايناش الشهية ولا التقيا.
• صعوبة فالمضغ ولا الذوق ولا السريط ولا الهضم.
• مشاكل نفسية بحال القلق والاكتئاب والحزن. يمكن الشخص ميحسش من دبا بالرغبة فالماكلة. وحدة من النتائج هي يفوت الماكلة ولا ياكل شي حاجة صغيرة.
• العوامل الاجتماعية، بحال تحس بالوحدة ومكتقدريش تشري أي حاجة ولا توجدي الماكلة.
• مرض عقلي.
• الادمان.

أهم سبب الرئيسي ديال سوء التغذية هو المرض. المرض يمكن يسبب حتى هو فالزيادة ديال الرغبة ديال العناصر الغذائية باش مايكونش النظام الغذائي العادي كافي.

سوء التغدية عند الناس لي كبار

الناس لي كبار فالسن كيتعرضو لخطر أكبر يتصابو بسوء التغذية حيتاش كيمرضو بزاف وقليل فاش كيديرو الرياضة. اضافة لهادشي ، لي كبار فالعمر كيحتاجو لطاقة أقل مقارنة مع ملي كانو صغار فالسن ، لي كيزيد من صعوبة يحصلو على كاع العناصر الغذائية فالنظام الغذائي.

التشخيص ديال سوء التغدية

الخطوة الأولى باش نحددو الا كان الشخص معرض لخطر زايد يتصاب بسوء التغذية ، كيتم تحديد هادشي بماكينة ديال الفرز. هاد الماكينات كتحقق من فقدان الوزن لي ماشي مقصود ونقص الوزن وفقدان الشهية.

على حسب الفحص ، الا كان شي شخص معرض لخطر زايد يتصاب بسوء التغذية ، كيتحدد الا كان الشخص كيعاني من سوء التغذية. تفقو بالاجماع على هادشي فسنة 2018. كيعاني شي شخص من سوء التغذية الا كمل على الأقل معايير ديال شي خصائص والأسباب لي جايين.

خص تكون وحدة ولا أكثر من هاد الخصائص موجودة:

• فقدان الوزن لي ماشي مقصود: 5٪ ولا أكثر من فقدان الوزن لي متعمد فاخر ست اشهور لي دازت ولا 10٪ ولا أكثر من فقدان الوزن لي ماشي مقصود فمدة أطول من ست أشهر لي دازت.
• الانخفاض ديال مؤشر كتلة الجسم
• الانخفاض ديال كتلة العضلات

خص تكون وحدة ولا أكثر من هاد الأسباب موجودة:

• نقص الماكلة: أسبوع واحد من الاكل ديال أكثر من 50٪ أقل من الطاقة لي مطلوبة مطلوبة ولا أكثر من جوج ديال السيمانات من انخفاض المدخول ولا الامتصاص

ولا اضطراب الجهاز الهضمي المزمن لي كيؤثر سلبا على المدخول ولا الامتصاص

• المرض ولا الالتهاب: مرض صعيب ولا صدمة ولا التهاب مرتبط بشي مرض مزمن

الا كان شي شخص كيعاني من سوء التغذية بناء على المعايير لي مذكورة لفوق ، كيتم تحديد قداش الخطورة ديال سوء التغذية. يمكن للناس لي كيتمتعو بصحة مزيانة ولا كيعانيو من زيادة الوزن أنهم يتصابو حتى هما بسوء التغذية. يمكن النقص الحاد فالماكلة يسبب ،من خلال التقيا ولا الإسهال ، لتدهور سريع فالحالة ديال الماكلة ، خاصة الا كنت كتحس خصك زيادة فالطاقة بسبب المرض ولا الحمى.

الاطفال

بالنسبة للأطفال ، كتطبق قيم حدود أخرى. الطبيب غيستعمل منحنيات النمو باش يحدد سوء التغذية عند الطفل.

التأثير ديال سوء التغدية

سوء التغذية عندو تأثير كبير على الصحة. كتكون فيها هاد العواقب:

• الشفاء من العملية ولا المرض كيكون بشويا
• مضاعفات كثيرة وأكثر خطورة من بعد العملية
• الجروح كتعطل باش تجمع
• الزيادة فخطر الإصابة بقرح الجلد (تقرحات الضغط)
• جهاز المناعة كيخدم ضعيف
• الانخفاض ديال كتلة العضلات
• الانخفاض ديال السعة ديال القلب والرئتين
• جودة الحياة كتنزل
• الزيادة فخطر الموت

تعرف على سوء التغدية

من المهم بزاف تاصلي بالطبيب فالبلاصة الا شكيتي فسوء التغذية. غالبًا كيوقع هادشي عن طريق العائلة ولا المعارف ديالك ولا لي كيقدمو الرعاية (مقدمو الرعاية لي ماشي رسميين) أكثر من المريض براسو.

نصائح ديال الماكلة

فالعلاج ديال سوء التغذية ، التركيز كيكون على الماكلة ديال كمية كافية ديال البروتين والطاقة. زيادة على هادشي ، التمارين الرياضية كتعتبر جزء مهم من العلاج باش تحافظي على كتلة العضلات.

واش كاين سؤال بخصوص بسوء التغذية؟ التأمين الصحي كيخلص عدد الساعات لاختصاصي ديال التغذية.

يمكن للطبيب ولا اختصاصي التغذية اتاخد قرار بخصوص النظام الغذائي لي كيكون غني بالطاقة والبروتين اعتماد على الصعوبة ديال سوء التغذية ، وربما مكمل بمكملات الفيتامينات والمعادن ، ولا ماكلة كتشرب اضافية ولا الشرب لي كامل ولا الماكلة عن طريق التيو.