Artrose Marokkaans

هشاشة العمود الفقري

Afbeelding met persoon, person Automatisch gegenereerde beschrijving

هشاشة العظام هي واحد الحالة لي يمكن تسبب صداع وألم للمفاصل. لي كتوقع بزاف هي الاصابة فالركابي ، والورك ، والمفاصل الصغيرة فاليدين ديالك. هو الشكل لي منتاشر بزاف ديال التهاب المفاصل.

بخصوص هشاشة العظام

الحالة كتبان بلي كتتطور ملي كتضرر المفاصل ديالك. ملي كيحاول المفصل يعالج راسو ، يمكن توقع تغييرات فالداخل ديال المفصل. يمكن هاد التغييرات من بعد تطور للصداع وتيبس.

. كاينين جوج ديال الأنواع مختالفين ديال هشاشة العظام.

  • فحالة هشاشة العظام الاولى ، مكاينش مرض ولا شي اصابة كاملة ومعروفة. كتبان تدريجيا وكتؤتر على الناس لي كبار فالسن.
  • هشاشة العظام الثانوية مرتبطة بشي اصابة من قبل ولا بحالة طبية أخرى. من الممكن تؤثر على الشباب.

يمكن أن تؤتر هشاشة العظام على الناس بطرف مختلفة ، ويمكن تؤثر على مفصل مختلف على الاخر. يمكن يولي هادشي صعيب مع الوقت ، ولكن ماشي ديما. يمكن يبقى كما هو لسنوات ، ولا يمكن يتحسن الصداع والتصلب مع الوقت.

الأسباب ديال هشاشة العظام

مباينش بالضبط شنو لي كيخلي شي شخص يتصاب بالفصال العظمي. من الممكن يكون هادشي بسبب بزاف ديال الامور. وخا هكاك كاينين عوامل لي معروفة أنها تكزيد من خطر الإصابة بهاد الحالة. احتمال تصابي بهشاشة العظام بهشاشة العظام كتزاد الا:

  • العمر ديالك أكثر من 45 عام ، الخطر كلكيزيد كلما كبرتي فالعمر
  • الا كنت امرأة – وخا كيؤتر حتى على الرجال ، الا انه منتاشر بزاف عند النساء
  • الا كنت كتعاني من السمنة - الوزن الزائد كيحط بزاف ديال الضغط على المفاصل ديالك ، كما كتربط المواد الكيميائية لي كتفرزها الخلايا الدهنية ملي كتصابي بهشاشة العظام
  • عندك تاريخ عائلي ديال هشاشة العظام
  • الا تضربتي فالمفصل ديالك من قبل
  • عندك (ولا ولفتي تكون عندك) شي خدمة كتطلب الخدمة باليد ، ولا هواية كتطلب بزاف ديال الضغط بالمفاصل ديالك ، بحال كرة القدم
  • عندك حالة أخرى كتؤثر على الحركة ولا بالقرب من الفاصل ديالك – هادشي كيعني أنك غاتحطي عليها بزاف ديال الضغط

الأعراض ديال هشاشة العظام

الأعراض الرئيسية ديال هشاشة العظام كتبان فالصداع وتيبس ديال المفصل لي مصاب. كتلقى بلي مايمكنش ليك تستاعمل المفصل ولا تحركو كما كان من قبل. بعض المرات يمكن ينتشر الصداع ، ويمكن تحسي به فشي بلاصة مختلفة فالجسم ديالك فالمفصل لي مصاب. مثلا ، الا كنت كتعاني من الهشاشة ديال العظام فالمفصل ديال الورك ، فيمكن تحسي بالم فالفخذ ولا الركبة ولا الكاحل.

غتحسي غالبا بالالم ملي كتستخدمي المفصل ديالك ، وغتحسي بتحسن ملي ترتاحي. ولكن الا كان التهاب المفاصل عندك صعيب ، فيمكن تحسي بالالم حتى فوقت الراحة. يمكن يحس المفصل ديالك المفصل بالتيبس أول شيء فالصباح ، ولا من بعد الراحة ، ولكن هادشي كيحيد بالزربة.

بعض المرات يمكن تشوفي شي نفيخ على المفصل لي مضروب ، وغتحسي بالضرب ولا صداع ملي تحركيه.

هاد الأعراض يمكن تكون بعض المرات بسبب شي مشاكل أخرى ، ولكن الا كانت عندك أي مشاكل ، اذا اتصلي باختصاصي ديال العلاج الطبيعي باش تاخدي شي نصيحة.

تساعدي-راسك

غيتكلم معك اختصاصي العلاج الطبيعي على بزاف ديال الامور لي يمكن ليك ديريها باش تنقصي من الالم والتصلب فالمفاصل ديالك. وتخلي حياتك اليومية ساهلة. اههم هاد الامور غانبينوها لتحت.

  • ممارسة الرياضة بانتظام يمكن تساعد تحسن الأعراض وتقوي العضلات. شوفي القسم لي لتحت للمزيد من المعلومات على ممارسة الرياضة مع التهاب المفاصل.
  • الا كنت كتعاني من زيادة الوزن ولا السمنة ، فحاولي تنقصي الوزن ديالك عن طريق ديري تغييرات على النظام الغذائي ديالك ومستويات النشاط ديالك. يمكن يؤدي النقص ديال شويا من الوزن ينقص الضغط لي واقع على المفاصل ديالك وتحسين الأعراض.
  • الا كنت كتعاني من هشاشة العظام في الركبة ديالك ، فالا لبسي صبابط لي عندهم سوميلة ناعمة وسميك ولا استعملي حداء داخلي غايساعد ينقص الصداع.
  • حاولي تستعملي مخدة حرارية ولا كيس ديال الثلج باش يخفف الألم. ماتحطيهمش مباشرة على البشرة ديالك حيت يمكن تخصرها ولا تحرقك . اولا جمعيهم فشي فوطة.

الرياضة والتهاب المفاصل

ممارسة الرياضة بانتظام ، القدر لي قدرتي عليه ، هي اكثر حاجة مفيدة يمكن ديريها. يمكن تساعد التمارين الرياضية فالحفاظ على عمل المفاصل ديالك مزيان وتنقص الألم . غتساعدك حتى

تبني قوة العضلات ديالك وتحسني اليياقة البدنية دايلك، ويمكن تساعدك تحسي مزيان

بعض المرات يمكن يوصي اختصاصي العلاج الطبيعي بشي برنامج تمرين منظم يمكن ليك تدخلي ليه. بعض المرات تاني يمكن يعطيوك شي نصائح على شنو يمكن ليك تجربي. اهم حاجة تلقاي شي حاجة يمكن ليك تستمتعي بها وتشدي فيها.

حاولي ديري مجموعة من التمارين الرياضية لي محتلفة ، بما في ذلك هادشي.

• تمارين التقوية – باش تساعد تقوي العضلات ديالك وتعاون المفاصل.

• تمارين الأيروبيك ، لي كتزيد من معدل الضرباj ديال القلب ديالك وكتخليك تنفس شويا. هادشي مفيد للصحة العامة واللياقة البدنية ، وباش تساعد تنقصي فالوزن ديالك ولا تحافظي عليه. يمكن تلقاي انه التمارين الهوائية لي التاثير ديالها منخفض مكاتحطش ضغط كبير على المفاصل ديالك. مثلا السباحة ولا ركوب الدراجات ولا المشي.

• تمارين المرونة ولا التمديد – باش تساعد تحافظ على نطاق الحركة ديال المفاصل ديالك.

زيدي من القدر ديال التمارين الرياضية لي كتمارسي بشكل تدريجي. يمكن تفكري تشوفي اختصاصي ديال العلاج الطبيعي يمكن ليه يساعدك ديري برنامج تمرين فردي لي يناسبك.

العلاج ديال هشاشة العظام

اضافة لتدابير المساعدة الذاتية لي ذكرنا الفوق ، كاينين بزاف ديال الخيارات ديال العلاج باش تعاملي مع هشاشة العظام ولي غيناقشها اختصاصي التغدية معك

العلاجات لي كتعاون

اختصاصي ديال العلاج الطبيعي الخاص بك يمكن يسيفط لعند اختصاصيين صحيين آخرين ، ولي يمكن ليهم يقدمو ليك بزاف ديال النصائح العملية وينصحوك ببزاف ديال الوسائل والأجهزة لي يمكن تساعدك. يمكن يكونو مايلي.

  • يمكن لاختصاصي العلاج الطبيعي ينصحك بأحسن أنواع التمارين الرياضية لي غيخصك تديري باش تحافظي على الحركة وقوة العضلات ديال المفاصل لي مصابة. يمكن ليهم حتلى يديرو تقييم على واش الأقواس والجبص والعصي لي كيساعدو مفيدين.
  • يمكن يعطيك المعالج المهني طرق عملية باش تساعدك تقادي امورك اليومية. يمكن تكون يعطيك نصيحة بخصوص التغييرات لي ممكن تديري على السيارة ديالك ولا الدار ديالك ولا البلاصة ديال الخدمة باش تخففي أي ضغط على المفاصل ديالك.
  • يمكن لطبيب ديال الرجلين يقدم ليك النصيحة بخصوص الأحذية لي ممكن تستعملي ، والا كانت غتساعدك

فكري الا كان مزيان تعاودي تقادي أي بيت فالدار ديالك ولا ديري أي تغييرات. مثلا ، الا كنت كتعاني من الالتهاب ديال المفاصل الورك ولا الركبة ، قيمكن تبغي ديري السلالم ولا العلاقات فالحمام ديالك.. يمكن تكون الكراسى ديال المرحاض ولوحة الحمام عالية والكرسي يمكن يكون مفيد ليك. الا تأثرات يديك يمكن تكون الادوات والمساعدات مفيدة ، بحال أدوات تقليب الروبينيات ولا أدوات المطبخ لي عندها مقابض وادوات لي تفتح العلب الأوتوماتيكية.

يمكن يقدم لك المعالج المهني بزاف ديال النصائح. قد تكون عندك الحق تاخد شي مساعدة بخصوص المصاريف ديال أي مساعدات ولا تعديلات كتحتاجيها فالدار ديالك. اتصلي بالسلطة المحلية باش تاخدي على تقييم فابور.

الا كنت فالخدمة ، فسولي مول صاحب العمل واش عندهم مصلحة للصحة المهنية. غيكونو قادرين يساعدوك ديري تعديلات على الطريقة باش كتخدمي ،ولا على البلاصة ديال الخدمة باش يساعدوك.

QR code naar deze pagina

QR Code